Sunday, April 26, 2009

Mere Abba...

Jiske nam se jag me mera nam hain mera rutba hain
Bohat achche bohat pyaare bohat rehamdil mere abba hain

Kitni mashakkat kitni mehnat kitni qurbaniya dekar
Pala hain apne lal ko jo banke Ghayel samne tere khada hain

Zindagi guzari pardes me na kabhi shikwa kiya koi
Jab hum huye khud pardesi to jana, Kya kya nahi abba ne khoya hain

Lab pe aaye jab jab jo aarzoo mere abba ne ki poori
Banke chakki woh umr bhar khud bhale peesta raha hain

Aaj bhi abba ka chehra mano chamakta chand ho koi
Main q jaoo koi dargha, mere zinda wali mera abba hain

Woh meri aan hain meri shaan mere ghar ki woh pehchaan hain
Jo kahe woh mujhe pyaar se, wahi mere liye kutba* hain

Meri ma ki himmat me woh mamta me woh chahet me woh
Jo ho na sath abba mere, pyaar maa ka bhi adhura hain

Mere bachcho ka ghoda hain woh, sath unke bohat dauda hain woh
Kehti hain mujhe meri betiyaan, tumhare nahi woh hamare abba hain

Kaise karu main shukriyaan abba tumhare pyaar ka
Beta na layek main ban saka, nam-e-Ghayel ek dhabba hain

Jiske nam se jag me mera nam hain mera rutba hain
Bohat achche bohat pyaare bohat rehamdil mere abba hain

-Sajid Ghayel-

No comments: