Khuda ho gaya.....(Ghayel)

Auro ki tarah vo bhi bevafa ho gaya
Aye aasoo tu bhi aakho se juda ho gaya

Sunta nahi hain meri, na ab deta hain dikhayee
Mehboob mere mano, ab khuda ho gaya

Vo jab tak raha ghar me, tha bohat salike se
Jab duniya me hua shamil, behuda ho gaya

Tu itna gira insaa.N, ke girtaa chala gaya
Teri halet pe ab shaitaan bhi, sharminda ho gaya

Makh_tal* par kati jab, kisi haq_parast** ki gardan
Murda pade logho ka, dil zinda ho gaya

Jam me duboya khudko, har waqt rahi madhoshi
GHAYEL aadmi bhala hain, khoon magar ganda ho gaya