Tuesday, April 7, 2009

Mera mehboob aisa hoga.....

Woh dhad_kano ka raag hogi
Woh har dil ka sazz hogi
Woh nadiya ki dhaar hogi
Woh jharno ka pehla pyaar hogi
Subah ki hogi usme ang_daieeya
Shaam ki hogi usme rangee_niya
Uska aasoo mano koi pavitra jal hoga
Woh hasegi jaha waha pooja ka sthal hoga
Woh madira ka pyaala hogi
Woh din ka ujaala hogi
Rishi ki tapasya hogi uske liye
Bhakto ki sadhna hogi uske liye
Ganga ke jal bhati jiska man pavitra hoga
Swarg ki apsarao se bhi sundar jiska tan hoga
Zulfe jiski sheetal chahya hogi
Mujh sang woh yu rahegi mano mera saaya hogi
Uske gulabi hoth mano amrut ke pyaale ho
Jab woh mere ghar aaye to roshan aagan galiyare ho
Bato me uski sadgi hogi
Aakho me masoom narazgi hogi
Jise dekh main apni sudh budh kho du
Jiske bin jeene ke khayal se hi ro du
Woh ghalib ke sher me hogi
Woh meera ke geet me hogi
Woh duniya ki har shay me hogi
Wahi sangeet me hogi
Jise dekh to bahar bhi sharma jaye
Woh agar chu le to path_thar bhi heera ho jaye
Tanhaiee me woh mile to yu lage mano chand sitaro ki baraat aayee ho
Aur woh jab mujhse door ho to yu lage mano jeevan ke har pehlu me khamoshi chaiee ho
Woh har pal mujhse baat karegi
Main jis haal me rahu woh mere sath rahegi
Woh meri kamnaa hogi woh meri aaradhna hogi
Woh mere kan kan me hogi woh meri sadhna hogi
Woh mere jeevan ka sahara hogi
Main toofan me gheera hu woh mera kinara hogi
Apni adao se woh mujhe rijhayegi
Main agar rooth jaoo to woh muje manaygi
Mere ghar me woh yu rahegi mano mehal me dasi rehti hain
Har gam har khushi sar jhukaye sehti hain
Har pal uske sang mere mata pita ka aashirwaad hoga
Uski pavitra seva me mamta ka swad hoga
Main manta hu ab aisa mehboob milta nahi
Phool khilte hain par mere mehboob jaisa phool khilta nahi
Par kya pata kisi din kisi modh par
Mera mehboob milega mujhe har bandishe tod kar
Aakho me aasoo GHAYEL ki aa jayege
Bhool ke sari duniya ek duje me hum sama jayege

No comments: