Saturday, October 17, 2009

Mazaar-e-Ghayel...




Meri tarah hain muflis, ab shayri meri
Na mujhme raha khayal, na kalem me syahi

Hain paas har khushi, aur paas hi nahi
Aisi kaha humne, khushiya thi chahi

Kuch zulm paas hoga, kuch pyaar paas hoga
Baad mere tumko, yeh dege meri gawahi

Dekhi hain bohat humne, ujdi hui yeh duniya
Mere dil me jo hui hain, nahi aisi koi tabahi

Kabhi aarzoo ko mara, kabhi aarzoo ne mara
Har tarah yaro humne, kismat hain aazmayee

Samjhe nahi hum ab tak, is rishte ki wafadari
Na laila ke aaye majnu, na majnu ke kaam laila aayee

Achchi hain izzat bakshi, banakar mazaar-e-Ghayel
Roz ek naya tamasha, har aakh tamashayee...

Naraz bohat rehti hain...


Mujhse aksar woh naraz bohat rehti hain
Zindagi jo mere pass bohat rehti hain

Unke aane ka koi imkaan to nahi
Unke aane ki aas bohat rehti hain

Rulati hain hasati hain satati hain
Woh yadein jo khaas bohat rehti hain

Gareeb nanhe phool gandi bastiyo ke
Khushboo kaha ab unme bass bohat rehti hain

Jabse huye roshan khayaal mazhab ke nigehbaa.N
Kaum mere mulk me bad-hawas bohat rehti hain

Doobkar bhi na mithi tishnagi firaun ki
Takat ki zalimo ko pyaas bohat rehti hain

De gaya woh usko nayee pehchaan zamane me
Tabiyat-e-Ghayel ab has_sas bohat rehti hain...

Dua kare hum...


Tumse mila hain, to q gila kare hum
Dil me dard rahe kayem, yeh dua kare hum

Baat sach hain tune, ki bewafaiee magar
Tujhe kehdu bewafa, kaise yeh hausla kare hum

Rahe hum jaha bhi, pyaas kayem rahe
Aao milkar zamana, maykada kare hum

Duniyadari bhi ho, aur mohabbat bhi ho
Aao zehno se dil ko, juda kare hum

Baad peechle mansubo ke, badh gayee hain bohat
Naya gareebi par Ghayel, aao mash_wara kare hum...

Khilaune wale ko rok le....


Jo bevaqt hain aa jate, un aasuo ko rok le
Jo ek muddat se beh raha hain, us khoon-e-jigar ko rok le

Kehta hain apni ma se, muflisi ka bachpan
Mujhe lagte hain bohat pyare, ma khilaune wale ko rok le

Baat wajib nahi hain lekin, dil ma ka kehta hain cheekhkar
Na le jao tum logho, koi janaza mere bete ka rok le

Kya khoob hain fasana, tune banaya hain maulvi
Jhooth tera tujhe mubarak, apne khutbe ko rok le

Hain parsaiee namumkin, teri madad ke bina maula
Jo uth_the hain badi ki janib, un kadmo ko rok le

Kaha kadr kare koi yaha tere sach ki Ghayel
Joohth likhti nahi agar hain, kalem apni tu rok le...