Pari kaha hoti hai

Pehli to ho, aakhri kaha hoti hai
Umr mohabbat ki, budhi kaha hoti hai

Ho tazgi subah me, ho jeene ki aarzoo
Khwaishe raat ki, poori kaha hoti hai

Na duniya se fursat, Na jannat se bair
Hasrat_e_Aadam, thodi kaha hoti hai

Hukmaraa.N mere, q kar sune meri
Guzarishe awaam ki, zaruri kaha hoti hai

Kahi Fikr Qafiye ki, kahi khayaal se khali
Is tarah saheb, shayri kaha hoti hai

Ghazal ki godh me, jhooth jayez huye
Koi ladki bhala, pari kaha hoti hai

Ghayel se bhala kaise, Tauheen_e_husn ho
Koi nazar uski, buri kaha hoti hai