Yaar ki batein

Kaise kare bayaa.N hum, yaar ki batein
Hai mehboob se mansoob, beshumar si batein

Kabhi zakhm hai koi, kabhi marham hai woh mera
Kabhi dard ki, to hai kabhi qarar ki batein

Kabhi khoobiyaa.N ginaye, kabhi badnamiyaa.N woh meri
Kabhi karam kare humpar, kabhi takraar ki batein

Sar ko jhukaye hum, tasleem karte hai
Kuch is kadar hai meethi, sarkaar ki batein

Unke nashe me hardam, hosh hi na aaya
Hum jante nahi hai, khumaar* ki batein

Na Ghayel ko sikhao, sabak aashiqui ka koi
Nibhayee hai zamane me, usi ne pyaar ki batein