Sunday, August 21, 2011

Ghazal hai meri..

Badi masoom meharbaan ghazal hai meri
Meri duniya yeh meri jaan ghazal hai meri

Iske dum se hi mili mujhko jaha me shohrat
Ab yeh jaisi bhi hai pehchaan ghazal hai meri

Koi jageer na daulat na mahal pass mere
Mujhko rakhti hai jo dhanwaan ghazal hai meri

Na main mulla hu na pundit hu na main gyani hu
Na yeh Geeta hai na Quran ghazal hai meri

Na yeh hindi hai na urdu na yeh marathi hai
Dil se nikli hui zubaan ghazal hai meri

Sajid Ghayel

No comments: