Bohat dhuaa hoga

Mera nahi to kisi ka nahi hua hoga
Woh aag hai ho jaha bhi bohat dhuaa hoga

Khayaal uska nahi koi bhoolne jaisa
Jo janta hai usey woh yeh keh raha hoga

Dua kare hai na koi kare hai zidd rabb se
Yaha nahi jo mila woh waha ataa hoga

Mere khayaal mere sher yeh meri batein
Bhala kare na kisi ka to sab bura hoga

Aaj hasti hui dekhi jo muflisi humne
Yaad aaya koi imaa.N kahi beeka hoga

Nahi mumkin nazar aaye koi amal behtar
Kaam achchca to kitabo me bas padha hoga

Beadab belihazz hai zakhm Ghayel ke
Path_tharo se yeh zamane me suna hoga