Sunday, January 4, 2009

Bohat gussa hain......

Bohat gussa hain tere andar yeh baat muje mehsoos hoti hain
Tu uthata hain har shaks pe mehfil me ungliyaan jab bhi koi baat hoti hain

Khud se naraz hain aur lagata hain tohmat zamane par
Shayed isi bahane tuje thodi si khushi hoti hain

Mukammal shayer to tu bhi nahi na tujme baat Ghalibo Iqbal jaisi
Mere shero ke liye magar tere pass har lamha nasihat hoti hain

Teri tarah pareshan yaha sabhi hain kaun khush hain mujko bata de zara
Aasoo na poch mere koi baat nahi mere rone se q tuje uljhan hoti hain

Teri dosti kisi ke liye q ban jati hain ehsan aur badappan tujme hain kis baat ka
Teri dosti se ach_chi to GHAYEL khuda ki kasam zalimo ki dushmani hoti hain

Kaun kisse hain behtar kaun kisse hain aala kisne jeeti yaha lafzo ki jung
Isi jaddo_jehad me aajkal kuch shayro ki subah aur sham hoti hain