Tuesday, July 20, 2010

Na manzil hai koi....


Na aarzoo Na safar na manzil hai koi
Na kashti na toofaa.N na sahil hai koi

Tanhaiyo ko meri ruswaieeya mili
Har pal mere wajood me shamil hai koi

Aalim usi ko jano jo sab janta nahi
Ab danishwaro me aisa kaha kabil hai koi

Meri umre daraaz mange mere mazaar par
Ghaflat bata kya aisa ghafil hai koi

Har ek dard ki apni hai mushkiley
Majbooriyaa.N kahi to buzdil hai koi

Ilzaam kisko dete hum apni maut ka
Marzi khuda ki mani jo Qatil hai koi

Utna unhi ko samjha jitna samajh me aaya
Hai apni samajh se shikwa jo baatil hai koi