Monday, January 18, 2010

Roti hui aakho ko....( Ghayel )


Roti hui aakho ko, hasaya bohat hain
Yeh hunar humne khud par, aazmaya bohat hain

Jhopdi gareeb ki, kehti hain sisak_kar
Pasina mera mehlo ke, kaam aaya bohat hain

Mere zakhmo ne mujhko, aur zaheen kar diya
Thokro ne zindagi ki, samjhaya bohat hain

Apno se bichad kar hum, khud hi se jo mile
Q lage wajood apna, paraya bohat hain

Kaise na koi rota, uski turbat pe pohachkar
Ghayel ne zamane ko, hasaya bohat hain

Friday, January 8, 2010

Din zindagi ke..




Aitbaar ki shab, subah mayusi ki
Kuch is tarah guzare, hain din zindagi ke

Na woh jalwagar, na tujhe meri khabar
Kya fayda deen-o-duniya ki bandagi ke

Hasta hua jo dekha, unhe apne aasuo par
Ta umr rahe baki, din sharmindgi ke

Kitne bhale the Ghayel, jab hum bhale nahi the
Yaad humko aa rahe hain, woh din aawargi ke