Friday, August 21, 2009

Mohabbat bhara shikwa....

Hain meri hum_nashee hum_nawaa.Z, woh mera humsafar bhi hain
Kya bataoo main kya tujhe pata nahi, kya meri chahto ki khabar bhi hain

Aa mere paas aa aur pass aa, mujhe jaan le meri jaan tu
Mera yaqeen kar meri janeman nahi aib sirf, mujhme hunar bhi hain

Kabhi chal diya kabhi ruk gaya kabhi thak gaya, kisi mod par
Tanha nahi tu mere humsafar, tere sath mera safar bhi hain

Kajal ki hain bindiya ki hain kangan ki hain darpan ki hain
Hain mujhse hi shrin_gaar tera, kya meri tujhko kadar bhi hain

Tujhe sab mila mujhe kuch nahi, pardes ki tanha raat hain
Kar faisla aur bata mujhe, kya mujhsa tujhme sabar bhi hain

Mausam ki hain shabnam ki hain yovan ki hain aagan ki hain
Aye meri jaan-e-jaan meri dilruba, kya meri tujhko fikar bhi hain

Taro pe hain nazaro pe hain duniya ki har baharo pe hain
Sara jahaan teri nazar kya Ghayel par teri nazar bhi hain..

Jeet gaye aasoo...

Kitna chipaya humne, ab chipaya nahi jata
Jeet gaye aasoo, ab muskuraya nahi jata

Teri dawatein bhi achchi, teri mohabbatein bhi achchci
Gali chodhkar par unki, humse jaya nahi jata

Kya karte hum unse, chand taro ki ummeed
Ek wada wafa ka jinse, nibhaya nahi jata

Poch lo yeh aasoo, kya tum jante nahi
Shahido ki maut par aasooo, bahaya nahi jata

Jis jagah jal rahi ho, cheeta mohabbat ki
Aashiyana phir naya waha, banaya nahi jata

Kya likha q likha, kaise likha tune Ghayel
Samjha to du par mujhse, samjhaya nahi jata..